الامل فى الله كبير اوىى يا جماعة

لما نيجى كده ونبص على الحياة حنلاقى كل انسان حياته مليانة بالحواديت والقصص اللي مبتنتهيش سواء كانت فرح أو حزن يعنى بالبلدى كده مفيش انسان حياته مفيهاش ولو حبة مشاكل ، كل انسان بتواجهه مشاكل ومصاعب لازم يقف قصدها ويحلها وربنا حيبقى معاه ويوفقه باذن واحد احد شووووووووووووووووووووف يا عمى

ومن الآخر اللى يشوف بلاوى الناس تهون عليه بلوته

الواحد اما ييجى يتأمل اللى هو فيه والنعم اللى ربنا اكرمه وحباه بيها حيلاقى ان ربنا بيحبه ايوووووووة ربنا بيحبه.....شوف عندك نعم أد ايه مش عند غيرك وربنا حباك بيها شوووووف كده بس واتأمل وانت حتعرف أد ايه ربنا بيحبك.

الواحد اما تواجهه مشكلة لازم مييأس أبدااا أبداااااااااااااااا ، وميفتكرش ان دى مثلا حتكون نهاية الدنيا بالمشكلة دى لااااا ابدااااا ده ربنا يا جماعة كرمه كبير علينا وبيختبر عبده بالحاجات الصغيرة دي يشوفك بقى يا سيدى حتلجأله ولا حتنساه ، فلازم يكون العبد علي أد ده ويبتدى كده يفكر وحده وحده مهما كانت صعوبة المشكلة وحيلقلها حل ان شاء الله .

انتوا عارفين التوكل علي الله حاجة جميلة جدااااااا ، لو كل انسان كده توكل علي الله فى كل حاجة فى حياته ربنا عمره محيسيبه ابدااااااااااااا ، ولازم يكون عندك ثقة بالله عز وجل هو الكريم القادر .

أنا عايز اقول ان الانسان بيعيش بالأمل ايوة الأمل فى الله - عز وجل – الثقة بالله حلووووة يا جماعة جربوهاااااا كده.

طب عارف انك لما يكون عندك ثقة بربنا وأمل فيه انه حيحللك أى حاجة تقابلك مشاكل أو غيره ربنا حيكرمك وكل حاجة حتلاقيها متيسرة قدامك لدرجة انت متتخيلهاش بس جرب وحتشوف.