قصيدة اسكندراني لعمنا صلاح شاهين يارب تعجبكوا

اهداء لاعز واغلى الناس عندى

اسكندرانى
اسكندرانى اسكندرانى
عيونه حلوه ومحيرانى
انا هويته لما لقيته
عيونه خضرا وهو اسمرانى

يازمرد يافاروز
يابخت اللى يفوز
فزنا بنظره عين
ودتنا على فين؟
ودتنا كرموز

البحر هادى......ولا ايه؟
باحاول افهم من عنيه
والنن لاخضر يحكم ويقدر
وانا اللى مقدرش عليه
لاسكندرانى

بحر الحب عميق كل شويه غريق
انا خدنى التيار تعالالى يابحار
لو فيك قلب رقيق لو قلبك اخضر لون عنيك
لا اخاف عليا ولا عليك
وان كنت قاسى ياما ح اقاسى
وانا اللى روحى بين ايديك
يااسكندرانى

اه يا اطبا اه م اللى بيا
ضيعت قلبى فى اسكندريه
راحت هناوه البال من حياتى
ساعه ما سلط عنيه عليا
لما انشبك قلبى... ومال
مابقاش فى صدرى على الشمال
بس المحبه ملهاش اطبا
يشفونى من جرح الجمال
لاسكندرانى..............

قصيدة جميله جداااااا كلمتها كتير حلوة اوووووووووووووي واكيد حعرف مين اعز الناس ده وجزاك الله كل خير

مشكور على المرور يا ذكرىالعمر وان شا ءالله تعرف مين اعز الناس